ააიპ საქართველოს სპორტის ტრადიციული სახეობებისა და თამაშების ასოციაცია 2026 წლის 15-დან 21 ივნისის ჩათვლით თბილისში მცხოვრები 18-დან 22 წლამდე ასაკის ახალგაზრდებისთვის აწყობს ეთნო-სპორტის ბანაკს დუშეთის მუნიციპალიტეტში ბაზალეთის ტბის პირას, სასტუმრო კომპლექს „ოქროს აკვანი“-ში .

ბანაკის ფარგლებში კონკურსის საფუძველზე შერიჩევა 25 ახალგაზრდა. შერჩევის კრიტერიუმებია: ელექტრონული რეგისტრაცია თბილისის მერიის შესაბამის პორტალ youthtbilisi.ge -ზე, რეგისტრაცია დაიწყება 3 ივნისს და გაგრძელდება 10 დღე. გასაუბრება, ზოგადი ჯანმრთელობის დამაკმაყოფილებელი მდგომარეობა, სპორტული უნარები, დისციპლინირებული ხასიათი, გუნდურობა, საკომუნიკაციო ენა - ქართული, შერჩევისას უპირატესობა მიენიჭება მოწყვლად ჯგუფებს.

ბანაკის ბენეფიციარები გაეცნობიან და შეისწავლიან ქართული სპორტისა და თამაშობების ძველ ტრადიციულ სახეობებს როგორებიცაა: 1. ქართული ტრადიციული თამაშები. 2. ქართული ჭიდაობა. 3. კრიობა. 4. ტრადიციული მშვილდოსნობა. 5. ქართული საცხენოსნო თამაშები. 6. ქართული ტრადიციული ცივი და სატყორცნი იარაღით ბრძოლის ტექნიკა. 7. ფარიკაობა. 8. ლელობურთი.

ბანაკის მონაწილეები როგორც თეორიულად ისე პრაქტიკულად გაეცნობიან ზემოთხსენებულ ტრადიციულ სპორტის და თამაშობების სახეობებს. ჩატარდება თეორიული გაცნობითი ხასიათის ლექციები შესაბამისი სახეობის სპეციალისტების მხრიდან, თეორიული სამუშაოების შემდეგ მონაწილეები შეძლებენ თვითონ გამოსცადონ და შეიძინონ პრაქტიკული უნარ ჩვევები თითოეულ დისციპლინაში. თეორიული და პრაქტიკული სწავლებები მაქსიმალურად ადაპრტირებული და უსაფრთხო იქნება ბანაკის ბენეფიციართა ფიზიკური შესაძლებლობებისთვის.

ბანაკის დასასრულს 21.06.2026 წელს ბენეფიციარების გადაყვანა მოხდება აბაშის მუნიციპალიტეტში, სადაც მონაწილეობას მიიღებენ აბაშის იპოდრომზე დაგეგმით ეთნო-სპორტის ფესტივალში, ისინი ჩაერთვებიან როგორც საორგანიზაციო კუთხით, ასევე მონაწილეობას მიიღებენ თამაშობებში და გამოცდიან ბანაკის ფარგლებში შეძენილ ცოდნას და უნარ ჩვევებს.