"თბილისის სპორტისა და ახალგაზრდობის ცენტრი“ არაფორმალური განათლების პროგრამის ფარგლებში 2026 წლის 24 აპრილიდან 15 მაისის ჩათვლით (ყოველ პარასკევს) განახორციელებს ტრენინგ-კურს "წარდგენის ხელოვნება და პრეზენტაციის ტექნიკები“.

ტრენინგ-კურსის მიზანია ახალგაზრდების ცოდნა-ცნობიერების ამაღლება და დამოკიდებულების გაძლიერება ეფექტურ კომუნიკაციასთან დაკავშირებულ საკითხებზე, რომელიც ახალგაზრდებს დაეხმარებათ თვითპოზიციონირებაში და კარიერულ წინსვლაში.

განსახილველი საკითხები:

• დარწმუნების ხელოვნება და პირველი შთაბეჭდილება;
• ვერბალური და არავერბალური კომუნიკაცია;
• საჯარო გამოსვლის შიშისა და ემოციების მართვა;
• ამბის თხრობის ხელოვნება;
• პრეზენტაციის დიზაინი და სტრუქტურა;
• თვითრეფლექსია და უკუკავშირის მართვა.

ტრენინგ-კურსს გაუძღვება თბილისის სპორტისა და ახალგაზრდობის ცენტრის საგანმანათლებლო პროგრამის მენეჯერი დოდო ჭუმბურიძე.

მონაწილეობის მსურველები უნდა დარეგისტრირდნენ არაუგვიანეს 22 აპრილის 23:59 საათამდე.

გისურვებთ წარმატებებს! 🌟