"დებატების ზამთრის სკოლა 2026“ გულისხმობს ინიციატივას, რომლის ფარგლებშიც სტუდენტები, ტრენინგ სესიებისა და პრაქტიკული სავარჯიშოების საფუძველზე გაიუმჯობესებენ და განივითარებენ დებატების, საჯარო გამოსვლებისა და ლიდერულ უნარებს. პროექტის განმავლობაში გათვალისწინებულია დებატების ტურინირს გამართვა, რომელში მონაწილეობას პროექტის ბენეფიციარები მიიღებენ. ღონისძიებაზე დარეგისტრირება შეუძლიათ მხოლოდ თბილისში მოქმედი უმაღლესი სასწავლებლების სტუდენტებს (შესაბამისი კრიტერიუმების გათვალისწინებით, რომლებიც ქვემოთ არის მოცემული).

პროექტის ფარგლებში შერჩეული სადებატო თემები შეეხება წარმომადგენლობით დემოკრატიას, თვითმმართველობებთან და არჩევნებთან დაკავშირებულ საკითხებს, რაც ბენეფიციარებში ზემოაღნიშნული თემატიკებთან მიმართ ცნობიერების ამაღლებას ემსახურება.

ვის აქვს პროექტში მონაწილეობის უფლება?

პროექტიში მონაწილეობის უფლება (შესაბამისი რაოდენობრივი ქვოტების მიხედვით) აქვთ 2025 წლის ერთიანი ეროვნული გამოცდების მიხედვით, ყველაზე ხშირად არჩევადი, თბილისში მოქმედი, სამი სახელმწიფო და სამი კერძო უნივერსიტეტის იურიდიული ფაკულტეტის სტუდენტებს. სტატისტიკური მონაცემების მიხედვით აღნიშნული უნივერსიტეტებია:

სახელმწიფო უნივერსიტეტები

   • სსიპ ივანე ჯავახიშვილის სახელობის თბილისის სახელმწიფო უნივერსიტეტი

   • სსიპ ილიას სახელმწიფო უნივერსიტეტი

   • სსიპ საქართველოს ტექნიკური უნივერსიტეტი

კერძო უნივერსიტეტები

   • შპს საქართველოს ეროვნული უნივერსიტეტი სეუ

   • შპს კავკასიის საერთაშორისო უნივერსიტეტი

   • შპს კავკასიის უნივერსიტეტი

ზოგადი დღის წესრიგი

პროექტის ძირითადი ეტაპი განხორციელდება დაბა წყნეთში, სასტუმრო კომპლექს "კოპალაში“, სადაც პროექტის მონაწილეები 4 დღის განმავლობაში გაივლიან სპეციალურად "დებატების ზამთრის სკოლისთვის“ შექმნილ სატრენინგო პროგრამას. "დებატების სამთრის სკოლა 2026“ განრიგი:

- 13.02.2026 - 14:00-18:00 - სატრენინგო სესიები

- 14.02.2026 - 10:00-18:00 - სატრენინგო სესიები

- 15.02.2026 - 10:00-18:00 - შესარჩევი სადებატო შეხვედრები

- 16.02.2026 - 10:00-16:00 - ფინალური ეტაპის სადებატო შეხვედრები