თუ გსურს გაიუმჯობესო ინგლისური ენის სასაუბრო უნარ-ჩვევები, არ გამოტოვო შესაძლებლობა ჩაერთო TSYC-ის English Speaking Club-ში!

თბილისის სპორტისა და ახალგაზრდობის ცენტრი აცხადებს მონაწილეთა მიღებას პროექტზე: "English Speaking Club - ინგლისური ენის სასაუბრო კლუბი", რომელიც 13 ნოემბრიდან 25 დეკემბრის ჩათვლით ყოველ ოთხშაბათს 18:00 - 19:00 საათებში ჩატარდება.

კლუბის მიზანია უცხოელი მოხალისეების ჩართულობით დაეხმაროს ახალგაზრდებს სასაუბრო უნარ-ჩვევების გაუმჯობესებაში, შექმნას წამახალისებელი ატმოსფერო ინგლისური ენის პრაქტიკისათვის, პროცესში კი ხელი შეუწყოს მონაწილეთა შორის საინტერესო მსჯელობას სხვადასხვა საკითხის გარშემო, მათ შორის: სხეულის ენა, საჯაროდ გამოსვლის ხელოვნება, კომუნიკაციის უნარ-ჩვევები და სხვა.

კლუბის ფარგლებში მონაწილეები შეძლებენ წიგნებისა და ფილმების გარჩევას ინგლისურ ენაზე.

English Speaking Club - ში მონაწილეობის მიღება შეუძლია თბილისში მცხოვრებ 18-29 წლის ახალგაზრდებს.

სასაუბრო კლუბს გაუძღვებიან Erasmus + პროგრამის ფარგლებში საქართველოში ჩამოსული უცხოელი მოხალისეები: Aiden Mones, Felicie Slama, Judit Finsterer, Luzia Voigt, Fynn Segner

პროექტი 13 ნოემბერს 18:00 საათზე გაცნობითი სესიით დაიწყება;

თითოეული შეხვედრის ხანგრძლივობაა 1 საათი;

შეხვედრები ჩატარდება თბილისის სპორტისა და ახალგაზრდობის ცენტრის ოფისში;

პროექტის ბოლოს გაიცემა მონაწილეობის დამადასტურებელი სერტიფიკატები, დასწრების 70% შემთხვევაში.

კლუბში ჩართვის მსურველები უნდა დარეგისტრირდნენ არაუგვიანეს 11 ნოემბრის 23:59 საათმდე.

გისურვებთ წარმატებებს!