ლაშქრობები "თბილისის გარშემო 2026"

აღმოაჩინეთ თბილისთან ახლოს მდებარე ლანდშაპტები “საზაფხულო პროგრამები 2026-ის” ფარგლებში.

ლაშქრობები თბილისის გარშემო 4 ორდღიანი და 6 ერთდღიანი საველე სალაშქრო ბანაკის სახით ჩატარდება, თითოეულ ლაშქრობაზე 25 ახალგაზრდა ჩაერთვება, ჯამში კი პროგრამით ასობით ახალგაზრდა ისარგებლებს.

მონაწილეებისათვის უზრუნველყოფილია კვება, ეკიპირება, ტრანსპორტირება და კვალიფიციური ინსტრუქტორის მომსახურება.

რეგისტრაციის ბოლო ვადა 29 ივნისის 23:59 საათია, რეგისტრირებული მონაწილეები სერვისით სარგებლობას ეტაპობრივად, 27 ივნისიდან 30 სექტემბრამდე შუალედში შეძლებენ.

რეგისტრირებულ ახალგაზრდებს პროგრამის წარმომადგენელი თავად დაეკონტაქტება და შესთავაზებს პროგრამით სარგებლობის თარიღს.

მონაწილეობისათვის საჭიროა პირადი პროფილის შექმნა ვებ-საიტზე Youthtbilisi.ge, პროფილის შევსება და აქტივობაზე რეგისტრაცია ღილაკზე “დარეგისტრირდი მონაწილედ” დაკლიკებით. პროექტზე მონაწილეობის მოთხოვნის გამოგზავნის შემდეგ, ინფორმაციას მოთხოვნის დადასტურების/უარყოფის შესახებ მიიღებთ ელ-ფოსტის მეშვეობით.

რეგისტრაციის მოთხოვნის გამოგზავნამდე დარწმუნდით, რომ სრულყოფილად შეავსეთ თქვენი Youthtbilisi.ge-ს პროფილი.

აქტივობა ხორციელდება “საზაფხულო პროგრამები 2026-ის” ფარგლებში.

საზაფხულო პროგრამები თბილისის სპორტისა და ახალგაზრდობის ცენტრის მიერ თბილისის მერიის მხარდაჭერით ყოველ ზაფხულს ტარდება და ათასობით ახალგაზრდას აძლევს შესაძლებლობას სრულიად უსასყიდლოდ ჩაერთონ სპორტულ რეკრეაციულ აქტივობებში. ჩვენი სამიზნე აუდიტორიაა 18-დან 29 წლის ასაკის ახალგაზრდები.

"თბილისის გარშემო" ლაშქრობა-ბანაკების გასვლებზე თქვენ შეძლებთ დაისვენოთ სასიამოვნო გარემოში, გაიცნოთ ახალი მეგობრები, ითამაშოთ სხვადასხვა თამაშები, მათ შორის ფრენბურთი, ფრიზმი, "სლექლაინი", ჭადრაკი, უნო, ბადმინქტონი, ინებივროთ ჰამაკებში, ფეხით მოინახულოთ ისტორიული და ბუნების ლამაზი ადგილები, დაიძინოთ კარვებში და ბოლოს ლამაზი მოგონებებით დახუნძლული დაბრუნდეთ სახლში, ასე რომ გელით!