ააიპ ინოვაციების ასოციაციის ინიციატივითა და ქალაქ თბილისის მუნიციპალიტეტის მერიის კულტურის, განათლების, სპორტისა და ახალგაზრდულ საქმეთა საქალაქო სამსახური სპოსორობით სასტუმრო ზედაზენში ტარდება “ზამთრის STEAM ბანაკი”.

მსოფლიო მასშტაბით რობოტიკა მზარდი მიმართულებაა, რომელიც მომავლის პროფესიად ითვლება და ყოველდღიურად უფრო და უფრო იხვეწება. საქართველოში STEAM სწავლების ეს მიმართულება ახალია და მხოლოდ რამდენიმე ათეულ მოსწავლე-მასწავლებელს ჰქონდა შესაძლებლობა ამ მიმართულებით აქტივობებში ჩართულიყვნენ.

ზამთრის STEAM ბანაკი არის შესაძლებლობა მოსწავლეებისთვის 9-13 იანვარს მცხეთაში, სასტუმრო „ზედაზენში”, არაფორმალურ გარემოში შეისწავლონ დღევანდელ მსოფლიოში ერთ-ერთი ყველაზე აქტუალური და მოთხოვნადი სფერო - STEAM სფერო, სადაც განსაკუთრებული ყურადღება დაეთმობა რობოტიკის მიმართულებას. ისინი ამ ბანაკის განმავლობაში დაესწრებიან არაერთ თემატურ შეხვედრას, იმუშავებენ Lego რობოტებზე, 3D პრინტერსა და ჩარხზე, ასევე სხვადასხვა საინტერესო პრაქტიკულ დავალებებზე გამოცდილ მასწავლებლებთან ერთად.

ბანაკში მონაწილეობა სრულიად უფასოა.

მონაწილეობისათვის აუცილებელია მსურველი იყოს სკოლის მოსწავლე და შეძლოს ბანაკს სრულად დაესწროს. 13-15 ასაკის მსურველები უნდა დარეგისტრირდნენ შემდეგ ბმულზე: https://forms.office.com/e/HdUwcKy3sZ.

16-18 ასაკის მოსწავლეებმა კი რეგისტრაცია youthtbilisi.ge-ზე უნდა გაიარონ. რეგისტრაციის სრულყოფისთვის მეილზე უნდა გამოგვიგზავნონ სამოტივაციო წერილი და მშობლის ხელმოწერილი თანხმობა 2 იანვრის ჩათვლით (აუცილებლად უნდა იყოს მითითებული როგორც მოსწავლის სახელი, გვარი და პირადი ნომერი, ასევე მშობლის/კანონიერი წარმომადგენლის სახელი, გვარი, პირადი ნომერი, მისამართი, მობილურის ნომერი, ელ-ფოსტის მისამართი).

კითხვების შემთხვევაში დაგვიკავშირდით ელ. ფოსტაზე [email protected].

გისურვებთ წარმატებებს!