მობილური ვიდეოგრაფიისა და ვიდეო მონტაჟის ზამთრის სკოლა გაიმართება თბილისში 2024 წლის ზამთარში. კურსი დაიწყება 18 დეკემბერს და გაგრძელდება 18 თებერვლამდე. სასწავლო პროცესი ორგანიზებული იქნება ოთხშაბათი-პარასკევის დღეებში, საღამოს 20:00 საათზე, თითოეული შეხვედრა გაგრძელდება 2 საათის განმავლობაში.

პროგრამას წარუძღვებიან გამოცდილი სპეციალისტები, რომლებიც მონაწილეებს გააცნობენ მობილური ვიდეოგრაფიისა და ვიდეო მონტაჟის თანამედროვე ტექნიკებსა და მეთოდებს.

კურსის მიზანია მსმენელებს გამოუმუშაოს პრაქტიკული უნარ-ჩვევები სხვადასხვა მიზნობრივი ვიდეოების შექმნა-დამონტაჟებაში.

რეგისტრირებულ მონაწილეებს პროგრამის წარმომადგენელი პირადად დაუკავშირდება და მიაწვდის პროექტის დეტალურ ინფორმაციას.

მონაწილეობისათვის საჭიროა პირადი პროფილის შექმნა ვებ-საიტზე Youthtbilisi.ge, პროფილის შევსება და აქტივობაზე რეგისტრაცია ღილაკზე “დარეგისტრირდი მონაწილედ” დაკლიკებით.

პროექტზე მონაწილეობის მოთხოვნის გამოგზავნის შემდეგ, ინფორმაციას მოთხოვნის დადასტურების/უარყოფის შესახებ მიიღებთ ელ-ფოსტის მეშვეობით.

რეგისტრაციის მოთხოვნის გამოგზავნამდე დარწმუნდით, რომ სრულყოფილად შეავსეთ თქვენი Youthtbilisi.ge-ს პროფილი.

აქტივობა ხორციელდება "ზამთრის პროგრამები 2025-ის" ფარგლებში, რომელსაც ახორციელებს თბილისის სპორტისა და ახალგაზრდობის ცენტრი თბილისის მერიის მხარდაჭერით.